Pages


 

Tuesday, October 29, 2013

လွတ်ငြိမ်းချမ်းသာခွင့်မပေးသင့်သော ရာဇဝတ်မှု ကျူးလွန်ထားသည့် စစ်ထောက်လှမ်းရေး အကျဉ်းသားများ

0 comments

 ဦးခင်ညွန့် နှင့်အတူ ဖမ်းဆီးထောင်ချခြင်းခံထားရသည့် စစ်ထောက်လှမ်းရေးဟောင်းများကို လွှတ်ပေးရန် ၎င်းမိသားစုများမှ ရေးသားထားသောစာများကို နိုင်ငံတော်သမ္မတနှင့် ဒုတိယသမ္မတများ အပါအ၀င် ပြည်ထောင်စုလွှတ်တော်နာယက၊ တရားဥပဒေစိုးမိုးရေးနှင့် တည်ငြိမ်အေးချမ်းရေးကော်မတီ ဥက္ကဌ၊ တရားသူကြီးချုပ်၊ မြန်မာနိုင်ငံလူ့အခွင့်အရေးကော်မရှင်၊ လွှတ်တော်အမတ် ဦးသိန်းညွန့်၊ လွှတ်တော်အမတ် ဒေါက်တာ အေးမောင်၊ နိုင်ငံခြားသံရုံးများ၊ ကုလသမဂ္ဂလူ့အခွင့်အရေးကော်မရှင်၊ နိုင်ငံတော်သံဃာ့မဟာနာယကအဖွဲ့ ဥက္ကဌ ဆရာတော် အရှင်ဥာဏိဿရ၊ အလိုတော်ပြည့်ဆရာတော်နှင့် ယခင် ၀န်ကြီးချုပ်ဟောင်း ဦးခင်ညွန့်တို့ကို ပေးပို့ထားကြောင်း သိရသည်။ သူတို့(၂၂) ဦးအား ပြောင်းလဲ လာသော မြန်မာ့နိုင်ငံရေးအခြေအနေများကြောင့် တောင်းဆိုရခြင်းဖြစ်ကြောင်း၊ ဒီမိုကရေစီစနစ်သို့ ပြောင်းလဲနေသော ယခုလို ခေတ်ကာလမျိုးတွင် နိုင်ငံသားတစ်ဦး၏ ရသင့်ရထိုက်သော အခွင့်အရေးအရ တောင်းဆိုရခြင်းဖြစ်ကြောင်း၊ လူသားချင်းသနားငဲ့ညှာသောအားဖြင့် ပြန်လွှတ်ပေးသင့်သည်ဟု ထင်မြင်ကြောင်း၊ အကယ်၍ မလွှတ်ပေးနိုင်ပါကလည်း သူတို့၏ အမှုများကို ပြန်လည်စိစစ်ပေးရန် နိုင်ငံတော်အကြီးအကဲများထံ တောင်းဆိုလိုကြောင်း ပြောကြားထားသည်ဟု သိရသည်။

 စစ်ထောက်လှမ်းရေးဟောင်းများကို လွတ်ငြိမ်းချမ်းသာခွင့်ပေးမည်ဆိုပါက ကျွန်တော်တို့ ၈၈ မျိုးဆက်ကျောင်းသားများမှ ပြင်းပြင်းထန်ထန်ကန့်ကွက်သွားမည်ဖြစ်သည်။ ယခင် စစ်ထောက်လှမ်းရေး အဖွဲ့သည် ရာဇဝတ်မှုပေါင်းများစွာကို ကျူးလွန်ထားသူများဖြစ်ကြသည်။ အထူးသဖြင့် အပြစ်မဲ့ ပြည်သူ များကို မတရားဖမ်းဆီးနှိပ်စက်ခြင်း၊ ဒီမိုကရေစီလှုပ်ရှားသူများ၊ ကျောင်းသားများ၊ တော်လှန်ရေးသမားများ နှင့်အတိုက်အခံများကို မတရားဖမ်းဆီးနှိပ်စက်မှုများ ပြုလုပ်ခဲ့ကြသည်။

 ဒီမိုကရေစီအရေးလှုပ်ရှားသူအများအပြားမှာ စစ်ထောက်လှမ်းရေးကြောင့် ဘဝပျက်ခဲ့ကြရသည်။ ၎င်းတို့ကို မှီခိုနေကြသည့် အပြစ်မဲ့အမျိုးသမီးများနှင့် ကလေးများ ဒုက္ခပင်လယ်ဝေခဲ့ကြရသည်။ ၎င်းတို့၏ မိဘအများအပြားမှာ သား/သမီး စိတ်ဖြင့် အိပ်ယာထဲ လဲသူလဲ၊ အသက်ဆုံးရှုံးသူ ဆုံးရှုံး ဖြစ်ခဲ့ကြရသည်။ စစ်ထောက်လှမ်းရေးများကြောင့် အကြမ်းမဖက်တိုက်ပွဲဝင်ခဲ့ကြသည့် ဒီမိုကရေစီလှုပ်ရှားမှုများ သွေးထွက် သံယိုဖြစ်ခဲ့ရသည်။ အပြစ်မဲ့ပြည်သူများစွာ နှုတ်ပိတ်ခံခဲ့ရသည်။ မိသားစုများစွာ ဘဝပျက်ခဲ့ရသည်။

ဒီမိုကရေစီအရေး လှုပ်ရှားသူများနှင့် စစ်ထောက်လှမ်းရေးများ၏ ရပ်တည်ချက်သည် ပြဒါး တစ်လမ်း၊ သံတစ်လမ်းဖြစ်သည်။ ဤကဲ့သို့ အပြုအမူ၊ အပြောအဆို၊ အကျင့်စရိုက် ဆန့်ကျင်ဘက် ဖြစ်နေသော အမျိုးအစားနှစ်ခုကို တစ်မျိုးတည်းသတ်မှတ်ကာ စစ်ထောက်လှမ်းရေးဟောင်းများကို နိုင်ကျဉ်းဟောင်းများနှင့် တန်းတူသဘောထားပြီး လွတ်ငြိမ်းချမ်းသာခွင့်ပေးမည်ဆိုပါက ၈၈ မျိုးဆက် ကျောင်းသားများအဖွဲ့က လုံးဝလက်မခံနိုင်ပါ။

 ပြည်ပရောက် ဒီမိုကရေစီအင်အားစုများကလည်း ယခင်စစ်ထောက်လှမ်းရေးဟောင်းအားလုံးကို နိုင်ငံတကာခုံရုံးသို့တင်ရန် စီစဉ်ထားပြီးဖြစ်သည်။ မြန်မာအစိုးရက ဖမ်းဆီးအပြစ်ပေးခဲ့သဖြင့် ထိုအစီအစဉ်ကို ရပ်နားထားခဲ့ခြင်းဖြစ်သည်။ အမှန်ဆိုလျှင် လွတ်မြောက်နေသည့် စစ်ထောက်လှမ်းရေး ဟောင်းများအားလုံးကိုပါ ဖမ်းဆီးအပြစ်ပေးသင့်သည်။ သမ္မတ ဦးသိန်းစိန်အစိုးရအနေဖြင့် ၎င်းတို့ကို နိုင်ငံရေးအကျဉ်းသားများဟု သတ်မှတ်ကာ ပြန်လွှတ်ပေးခြင်းသည် ရာဇဝတ်မှုကျူးလွန်သူများကို အားပေးရာရောက်သလို နိုင်ကျဉ်းဟောင်းများ၏ ဂုဏ်သိက္ခာကိုလည်း ထိခိုက်စေပါသည်။ ရာဇဝတ်မှု ကျူးလွန်သူများကို လွတ်ငြိမ်းချမ်းသာခွင့်ပေးနေသည့် သမ္မတကြီး ဦးသိန်းစိန် အပေါ်တွင် အလွန် အံ့သြော်မိပါသည်။ ယခင် စစ်ထောက်လှမ်းရေးဟောင်းများ၏ ပြစ်မှုကျူးလွန်မှုများတွင် သမ္မတကြီး ဦးသိန်းစိန် ကိုယ်တိုင် ပါဝင်ပတ်သက်နေမှု ရှိ/မရှိကိုလည်း သံသယဖြစ်ရပါသည်။

သမီးအကို( shweaunglan123@gmail.com)ဖြင့်ပို့ပေးလို့တင်ပေးလိုက်ပါတယ် အမှန်တွေနော်---




No comments: