Pages

 

Saturday, July 10, 2010

လူထုခေါင်းဆောင် ဒေါ်အောင်ဆန်းစုကြည် မွေးနေ့အထိမ်းအမှတ် သွေးလှူဒါန်းသူများအား ပေးအပ်တဲ့ ဘဘဦးဝင်းတင်ရဲ့ ဂုဏ်ပြုမှတ်တမ်းလွှာ

0 comments


ဂုဏ်ပြုလွှာပါကဗျာ -

တိုင်းပြည်ကိုအမေက
ဘ၀နဲ့ အသက်ပေးထားတယ်။

ကျတော်တို့ မှာပြန်ပေးစရာ
လက်ထဲမှာရောဘ၀ထဲမှာပါ
ဘာမှမရှိဘူး။

ရင်ထဲမှာတော့ အများကြီး
စုန်နေ ဆန်နေတဲ့ သွေးကြောတွေထဲမှာ
အများကြီး။

ဘယ်တော့ မှ မကုန်ခမ်းနိုင်တဲ့ 
သွေးတွေ...
လူထုခေါင်းဆောင် ဒေါ်အောင်ဆန်းစုကြည်၏ (၆၅)နှစ်မြောက်မွေးနေ့ အထိမ်းအမှတ် အဖြစ် သွေးလှူဒါန်းခဲ့ကြသော ကျောင်းသားလူငယ်နှင့် ဒီမိုကရေစီအင်အားစု (၆၅)ယောက်အား အဖွဲ့ချုပ်ခေါင်းဆောင် သတင်းစာဆရာကြီး အဘဦးဝင်းတင် ကိုယ်တိုင်လက်မှတ်ရေးထိုး၍ ဂုဏ်ပြုလွှာ များပြန်လည်ပေးအပ်ခဲ့ပါတယ်။ အဆိုပါ သွေးလှူဒါန်းခဲ့ကြသော ကျောင်းသားလူငယ်များကို ဒေါ်အောင်ဆန်းစုကြည်မှ မိမိမွေးနေ့ အထိမ်းအမှတ်
အဖြစ်ယခုလို သွေးလှူဒါန်းခဲ့ကြသော အလှူရှင်များအားလုံးကို မိမိအနေဖြင့် အထူးကျေးဇူးတင်ကြောင်းနှင့် သူတစ်ပါး အသက်ရှင်သန်ရပ်တည်နိုင် ... ရေးအတွက် မိမိသွေးကို ဖောက်ထုတ် လှူဒါန်းခြင်းသည်... မွန်မြတ်သော အလုပ်ဖြစ်ပါကြောင်း အမှာစကားပါးလိုက်ပါတယ်။

ယခုလိုလူထုခေါင်းဆောင်... မှအရေးတယူ အမှာစကား ပါးခဲ့ခြင်းကြောင့် သွေးလှူရှင် ကျောင်းသားများက အလွန်တရာ ဂုဏ်ယူ ၀မ်းမြောက်နေကြတယ်... ဆိုတာ အမေဒေါ်အောင်ဆန်းစုကြည် ကိုသိစေချင်ပါတယ်။ အမေချစ်တဲ့ မြန်မာပြည်ကို အမေ့သားတွေကလဲ အလွန်ချစ်ကြောင်းနဲ့ လိုအပ်လာပါက .. အသက်ကိုပင်ပေးဆပ်ဖို့ ၀န်မလေးကြကြောင်း အမေ့စိတ်ဓါတ်ကို အလေးအမြတ်ပြုရင်း သွေးလှူရှင် ကျောင်းသားအားလုံးရဲ့ ကိုယ်စား အမေသိပါစေကြောင်း ပြောကြားလိုပါတယ်။
မင်းသွေးသစ်(၂၀၀၇)
၂၀၀၇ မျိုးဆက်ကျောင်းသားသမဂ္ဂ

No comments: